Viti i Ri 2020 nis me formimin e një grupi të ri motoristësh në Shqipëri. Pak ditë para festës së Krishtlindjes, nis rrugëtimin edhe grupi MC EAGLES ALBANIA si pjesë e grupit të mirënjohur nga Prizreni, Sh.M.P Shqiponjat.
Shoqata e Motoçiklistëve të Prizrenit është themeluar zyrtarisht në pranverë të vitit 2005 me anëtar themelues të ndjerin Bujar Isaja, një ndër kampjonët e motoçiklizmit shqiptar të të gjitha trevave shqiptare.
Të njohur edhe ndërkombëtarisht si MC EAGLES edhe për shkak të anëtarësimit në 2010 në grupin e madh EuroBikers and Charity, të cilët sigurojnë dhe transportojnë ndihma të ndryshme humanitare për shtresa të ndryshme në nevojë, tashmë grupi po e shtrin praninë e vet me anëtarë edhe në Shqipëri.
Kryetari i MC EAGLES është Mërgim Jonuzi, dhe më shumë rreth grupit mund të shfletoni në faqen e tyre në Facebook: https://www.facebook.com/pg/MC-Eagles-114947908598484/about/?ref=page_internal
Anëtarët formues në Shqipëri janë motorist të mirënjohur e kampjon në shumë gara motoçiklizmi, ku spikat Dritan Shabani disa herë pjesmarrës në garat e AMF-së (Albanian Motorcyclist Federation), piloti e avokati Elvin Bajko, doktori Landi Muça, Edvin Sllaku, Ahmet Mamaj dhe Erjol Bylykbashi me përvoja të panumërta në udhëtime jashtë rrugëve të asfaltuara, në guida e pjesmarrje në motofesta.
Grupi MC EAGLES ALBANIA ka një njohje të hershme mes tyre si shoqëri motoristësh që tashmë kurorëzohet në këtë grupim me emblemën e miqëve nga Kosova MC EAGLES, të cilët mund të ndiqen edhe në facebook në Faqen e tyre: https://www.facebook.com/Mc-Eagles-Al-102609541252981/
Tashmë këta çuna do të shihen duke rendur me moton “Çfarëdo të jetë, është më mirë në erë” të qëndisur në ëmblemën tre-copëshe me simbolika plotë vlera që përshkruajnë në jelek këto kuptime ku bazë janë ngjyrat e Zezë dhe të Artë. Më poshtë është edhe kuptimi simbolik i emblemës:
Grupi MC EAGLES gëzon miqësi të mirë me të gjitha Motorklubet shqiptare dhe ndërkombëtare të pranishme në rajonin e Ballkanit.
Shkroi Drini Nosi